تبلیغات
دیناروند پارسی - غزل لری






دیناروند پارسی

به دیناروند پارسی خـــــــــــوش آمــــــــــدیـــــــــــــــــــد

 

سیلم کو

 

 

شو  رومس  و آسمونم    سیلم  کو

غم نشس  و تخت  شونم  سیلم  کو

پا کل و دس دراز  و جو  ده تلاطم

افتاوئت بزه  و جونم      سیلم  کو

ده  دم   ای  زنه ئی   دی  کپسمه

نهات ها  و شو و شونم   سیلم  کو

گتمه   و   جو ستو  مر  و   دست

جو بییم  و  جو ستونم    سیلم   کو

چنه ها  وت  بلالکیم  که   لالکسه

هه  بیسه  و  دراسونم   سیلم    کو

 

تو ده ایل آسمونی      مال   بالایی

مه  ده ای

"مالزیری"یونم  سیلم  کو 

علم     نوکریتن   بی  و      دسم

خوت  دونی  ده

"پاپی"یونم  سیلم کو

 

شعر از مرادحسین پاپی بالاگریوه

 

نوونم

 

 

ناوونم  وا   کوم   قلم    تیت  کشینه 

کوم  نقاشی  جوهرش    ایقه  رنگینه

حوریه که  نسخی  ناره   ده   قشنگی

نشخشن ده  ری تو  بی کشکی  کشینه

گتنه برفی که خی  توکسه  وت  ،  نه

ری تو خوشگلترده  مایه  برف   خینه

وا  سیلی یاری و هار واعظ  ده  ممبر

چی دی جومه  کوگ وگل سی تونشینه

ها   قیاسی بین  مه   وا   تو  بوه نم

لکه  داره  ریش  ده  شیوا  تو زوینه

غز وری  افتاو و تو سی  تیه  سخته

وا   نقاو  مگر کسی ری تون   بوینه

"

راهی"خودوا خود چی لیوی هی ده پسا گت

ناوونم   وا   کوم   قلم   تیت   کشینه

علیپور دریکوند " راهی " خرم آبادی 

منبع: لرونه

 




طبقه بندی: مطالب لری :شعر لری . اس ام اس لری . چینه چینه، موسیقی لرستان، 
[ چهارشنبه 1391/04/28 ] [ 08:13 بعد از ظهر ] [ مهدی كریمی صابر ] نظرات



      قالب ساز آنلاین